Стыр уарзондзинад æрхастой йæ ирон фæндыры зарджытæ æмæ мелодитæ
90 азы сæххæст, йæ ном ирон музыкалон культурæмæ сызгъæрин дамгъæтæй фыст кæмæн æрцыд, уыцы зындгонд композитор Æлборты Феликсы райгуырдыл. Уæрæсейы композиторты Цæдисы уæнг, Цæгат æмæ Хуссар Ирыстоны, Гуырдзыйы аивæдты сгуыхт архайæг, Хетæгкаты Къостайы номыл премийы лауреат, Георгий Свиридовы номыл майданы кадджын кавалер. Æлборты Феликс нын ныууагъта хъæздыг сфæлдыстадон бынтæ – хоры, оркестры æмæ фортепианойы уацмыстæ. Феликс райгуырд Цхинвалы. Каст фæци Тбилисийы паддзахадон консерватори. Уыд паддзахадон ансамбль «Симд»-ы аивадон разамонæг æмæ сæйраг дирижер, кафты академион ансамбль «Алан»-ы музыкалон разамонæг. Уымæй дарддæр уыд Цхинвалы музыкалон скъолайы директор. 10 азы разамынд лæвæрдта Цхинвалы музыкалон училищæйæн. Бацæттæ кодта бындурон иртæстытæ ирон традицион культурæйæ. Композиторы кад æмæ ном айхъуыст, кинонывтæм «Ах, любовь», «Во всем виновата Залина», Бесаты Мæхæмæты зарæджы, оперæ «Фатимæ»-мæ музыкæ куы ныффыста, уæд. Стыр уарзондзинад æрхастой йæ ирон фæндыры зарджытæ æмæ мелодитæ. Æлборты Феликс у Хуссар Ирыстоны гимны автор. Йæ цард у ирд дæнцæг миддунейы хъæздыгдзинадæн, стыр курдиатæн, адæммæ уарзондзинадæн æмæ хæдæфсармдзинадæн.
