Æхсарбеджы ном сызгъæрин дамгъæтæй фыст æрцыд Мæскуыйы номарæн бынæттæй иуы
Райсом нæ бæстæйы арæзт æрцæудзæн Стыр Уæлахизы 75 азы кадæн Парад. Æфсæддонтæ рæнхъытæй раст рацæудзысты алы регионты сæйраг фæзты. Æмæ ма иу хатт се ппæты зæрдыл æрлæууын кæндзысты советон адæмы хъæбатырдзинад. Уæвгæ, алы бинонтæн дæр ис йæхи хæстон истори.
Дæнцæгæн æрхæсдзыстæм Абайты бинонты Дигорайæ. Сæ хистæр фырт Æхсарбеджы ном сызгъæрин дамгъæтæй фыст æрцыд Мæскуыйы номарæн бынæттæй иуы. Уыимæ ма байгом кодта Советон Цæдисы Хъæбатырты номхыгъд. Æхсарбеджы хо Азизæ дæр бахста йе вæрæн Уæлахизмæ.
Ацы ащык Абайты Азизæ немыцаг æфсæддонтæй адавта, 6 азы йыл куы цыди, уæд. Сæ хæдзары дзы фашисттæ дардтой медицинон фæрæзтæ. Чызг æй бамбæхста æмæ йæ райгуырæн Дигора сырхæфсæддонтæ куы суæгъд кодтой, уæд сын æй балæвар кодта. Афтæ чысыл чызг йе вæрæн бахаста Уæлахизы бонмæ.
Ныфсхаст уæвын Азизæйæн йæ туджы ис. Йе фсымæр Æхсарбег у Советон Цæдисы хъæбатыр. Ацы кадджын майданæй йæ схорзæджын кодтой 1944-æм азы, йе фсæддон хæс хъæбатырæй кæй сæххæст кодта, уый тыххæй. Фронтмæ лæппу ацыд 18 аздзыдæй. Архайдта Кавказы, Керчы æрæдгсакъадахы тохты. Æмæ æдзухдæр уыд раззагдæрты æмрæнхъ.
Хæдзармæ Абайты Æхсарбег æрызхдæхт хъæбатырæй, фæлæ йæ бинонты æххæстæй нæ баййæфта. Хæсты цæхæр байста йæ кæстæр фсымæр æмæ хойы цард. Фашисттæй хъæды куы æмбхæстытсты, уæд баисты знаджы нæмгуыты амæттаг.
