филиал вгтрк государственная телерадиовещательная компания “Алания”

Абарæн кæмæн нæй, ахæм равдыст «Бинонтæ» фенæн ис республикæйы аивæдты лицейы. Бахастой йæм 50 куысты нывкæнынадæй, графикæйæ стæй æрмдæсныйадæй. Автортæ сты Куыдзойты бинонты сывæллæттæ. Элонæ, Зæринæ, Альбинæ æмæ Тимур сты ацы лицейы рауагъдонтæ æмæ ахуырдзаутæ. Сæ педагогтæ куыд зæгъынц, афтæмæй Куыдзойты сывæллæттæ канд курдиатджынтæ не сты, фæлæ ма дæнцæгæн хæссинаг у сæ хъомылад дæр.  Экспозици сси ирд дæнцæг аивадмæ уарзондзинадæн. Лицейы директор Ходы Фатимæ куыд зæгъы, афтæмæй сæ ахуырдзауты курдиат æргом кæнгæйæ, хъомыл кæнынц хорз рæзгæ фæлтæр. Уыдон æмхиц уыдзысты аивадмæ, культурæйы хæзнатæм æмæ арф зонындзинæдтæм.