филиал вгтрк государственная телерадиовещательная компания “Алания”

Йе сфæлдыстад æнусон кæмæн у, уый… Абон 225 азы æххæст кæны Александр Пушкины райгуырдыл. Уый кадæн мадзал арæзт æрцыд республикæйы хæлардзинады Хæдзары. Се сфæлдыстадон номыртæй адæмы зæрдæтæ барухс кодтой рæвдауæндæтты хъомылгæнинæгтæ, суворовонтæ æмæ суанг фæсарæйнаг студенттæ дæр. Се ппæт дæр аив бакастысты зындгонд уырыссаг поэты æмдзæвгæтæ, стæй дзырдтой йæ цардæй ист цымыдисаг хабæрттæ.  Мадзал саразджытæ куыд радзырдтой, афтæмæй литературон-музыкалон изæры сæйраг нысан уыд – æрыгон фæлтæры Пушкины сфæлдыстадимæ базонгæ кæнын, стæй сæм йæ уацмыстæм æмæ уырыссаг æвзагмæ уарзондзинад гуырын кæнын.