259 боны разамынд лæвæрдта Цæгат Ирыстонæн, кæд бирæ не сты, уæддæр йæ ном баззад историйы
Абон 60 азы сæххæст Æгъуызарты Тамерланы райгуырдыл. 259 боны разамынд лæвæрдта Цæгат Ирыстонæн. Кæд бирæ не сты, уæддæр йæ ном баззад историйы. Йæ царды фылдæр хай та баст уыд прокуратурæимæ æмæ тæрхондонимæ. Райдыдта районы прокуроры æххуысгæнæгæй, æмæ сси республикæйы Уæлдæр тæрхондоны сæрдар. Уыдис æм стыр фæлтæрддзинад. Кодта депутаты куыст дæр, æмæ 34 закъоны проекты автор. 5-æм июны 2015-æм азы Уæрæсейы президент Владимир Путины уынаффæмæ гæсгæ, Æгъуызарты Тамерлан нысангонд æрцыд Цæгат Ирыстоны сæргълæууæджы хæстæ æххæстгæнæгæй. Уыцы аз сентябры та йæ уыцы бынаты сфидар кодта бынæттон Парламент. Йæ разамындæй нæ республикæйы цæуын райдыдтой ивддзинæдтæ. Уæлдай æргом аздæхта агропромышленнон комплексмæ æмæ социалон инфраструктурæмæ. Уæдæ рацарæзт цыди бынæттон разамынды, фæсивæдон политикæйы, арæзтадон, экологон æмæ фармацевтон къабæзты. Йемæ чи куыста, уыцы бæрнон адæм хæст сты иу хъуыдыйыл. Республикæйы разамонæг уæвгæйæ, Æгъуызарты Тамерлан хайджын уыд иттæг хорз миниуджытæй. Иунæг адæймаг баиу кодта политикон сæрибардзинад æмæ юридикон зонындзинæдтæ. Уыдонæн та республикæйы цæрджытæ кодтой аккаг аргъ. Æгъуызарты Тамерлан йæ цардæй ахицæн 52 аздзыдæй. Фæлæ йе сконд хъуыддæгтæ баззадысты адæмы зæрдæты.
