14 марта 2018, 13:33
Абон 95 азы æххæст кæны ирон адæмон газет «Рæстдзинад»-ыл
Йе сфæлдыстадон коллектив кæддæриддæр архайдта ирон æвзаг парахат кæныныл, æмæ нæ республикæйы цæрджыты ахсджиагдæр хабæрттимæ зонгæ кæныныл.
Абон 95 азы æххæст кæны ирон адæмон газет «Рæстдзинад»-ыл. Йе сфæлдыстадон коллектив кæддæриддæр архайдта ирон æвзаг парахат кæныныл, æмæ нæ республикæйы цæрджыты ахсджиагдæр хабæрттимæ зонгæ кæныныл.
Æмæ сын æнтысгæ дæр кодта. Газет у Хетæгкаты Къостайы номыл премийы лауреат. Хорзæхгонд æрцыд «Кады нысан»-ы орденæй. Йæ фыццаг редактортæ уыдысты зындгонд фысджытæ æмæ æхсæнадон архайджытæ: Гæдиаты Цомахъ, Барахъты Гино, Косираты Сæрмæт. Уыйфæстæ уыдысты Хъанухъаты Владимир, Хъесаты Владимир, Фидараты Булат. Ныртæккæ газеты коллективы сæргъы лæууы Битарты Маринæ. «Рæстдзинад»-ы тираж у 5949 экземпляры. Къуыри цæуы фондз хатты. 95 азмæ газеты истори рауад хъæздыг. Йæхи ирон чи хоны, æмæ нæ адæмы æнтыстдзинæдтæ уынын кæй фæнды, уыдон зæрдиагæй тырныдтой газет «Рæстдзинад» рафыссынмæ. Алы хæдзармæ дæр уыди хабархæссæг. Ныртæккæ дæр газет у Ирыстоны фидиуæг. Коллектив кусы йæ райрæзтыл, цæмæй йæ ноджы мидисджындæр æмæ цымыдисагдæрæй кæной, ууыл.
Æмæ сын æнтысгæ дæр кодта. Газет у Хетæгкаты Къостайы номыл премийы лауреат. Хорзæхгонд æрцыд «Кады нысан»-ы орденæй. Йæ фыццаг редактортæ уыдысты зындгонд фысджытæ æмæ æхсæнадон архайджытæ: Гæдиаты Цомахъ, Барахъты Гино, Косираты Сæрмæт. Уыйфæстæ уыдысты Хъанухъаты Владимир, Хъесаты Владимир, Фидараты Булат. Ныртæккæ газеты коллективы сæргъы лæууы Битарты Маринæ. «Рæстдзинад»-ы тираж у 5949 экземпляры. Къуыри цæуы фондз хатты. 95 азмæ газеты истори рауад хъæздыг. Йæхи ирон чи хоны, æмæ нæ адæмы æнтыстдзинæдтæ уынын кæй фæнды, уыдон зæрдиагæй тырныдтой газет «Рæстдзинад» рафыссынмæ. Алы хæдзармæ дæр уыди хабархæссæг. Ныртæккæ дæр газет у Ирыстоны фидиуæг. Коллектив кусы йæ райрæзтыл, цæмæй йæ ноджы мидисджындæр æмæ цымыдисагдæрæй кæной, ууыл.
темæмæ гæсгæ
