05 июня 2014, 17:47
Абон Беслæны 1-æм скъолайы уыди Украинæйы фарс рахæцыны тыххæй акци
2004-æм азы теракт цы скъолайы æрцыди, уырдæм æрæмбырд сты, æвирхъау цауы амæдтаг чи бацис, уыдоны хæстæджытæ æмæ æндæр республикæты минæвæрттæ.
Абон Беслæны 1-æм скъолайы уыди Украинæйы фарс рахæцыны тыххæй акци. 2004-æм азы теракт цы скъолайы æрцыди, уырдæм æрæмбырд сты, æвирхъау цауы амæдтаг чи бацис, уыдоны хæстæджытæ æмæ æндæр республикæты минæвæрттæ. Акци бацæттæ кодта «Беслæны мадæлты» комитет. Комитеты разамынд Иугонд Нациты Организацийы генералон секретарь æмæ æдасдзинады Советмæ ныффыста писмо. Курынц æппæт тыхтæй бацархайын, Украинæйы æгъатыр митæ æмæ ныхмæлæуддзинад бауромын.
Абон ма «Беслæны мадæлтæ» проект «Святая наука – услышать друг друга» æххæст кæнгæйæ, бацæттæ кодтой конкурс «Многоликий социум». Йæ нысан у терроризм æмæ экстремизм Цæгат Кавказы фесафын. Конкурс баст у Кавказы адæмты истори, культурæ æмæ удварнимæ. Мадзалы архайдтой Дагестаны, Кæсæг-Балхъары, Цæцæны республикæйы, Хъæрæсе-Черкесийы, Ростовы облæсты æмæ Цæгат Ирыстоны минæвæрттæ. Алы республикæ дæр бацæттæ кодта йæ адæмы цардыуаджы тыххæй презентацион æрмæджытæ. Ахæм фембæлдтытæ адæмы хсæн парахат кæнынц хæлар ахастдзинæдтæ.
темæмæ гæсгæ
