филиал вгтрк государственная телерадиовещательная компания “Алания”

Абон Дзæуджыхъæуы цæрæнуæтты комплекс «Уалдзæджы» Хуссар æфсæддон зылды инæлар-булкъон Александр Галкин ног фатерты дæгъæлтæ радта æфсæддонты бинонтæн. Микрорайоны æрцæрынæн бынат ис 3 мин адæймагæн. Дæгъæлтæ райстой 800 бинонтæй фылдæр. Иутæ дзы цæрдзысты сæ службæйы рæстæг, иннæ хайæн та фатертæ лæвæрд æрцыдысты цæрынæн. Ног комплексы арæзтадыл 7 азы архайдта куыстуат «Оборонстрой». Микрорайоны ис 9 бирæуæладзыгон хæдзары – 900 фатерæй фылдæр. Сæ фæзуат у 30-æй 100 квадратон метры онг. Хæдзæрттæ конд сты æппæт нырыккон технологитæм гæсгæ. Сæ арæзтадыл хъахъхъæнынады министрад схардз кодта миллиард æмæ 600 милуан сомæй фылдæр.