филиал вгтрк государственная телерадиовещательная компания “Алания”

Абон Дзæуджыхъæуы арв сæрттивдзæн «Уæлахизы Тынтæй». 24-æм июны 1945-æм азы Уæлахиздзауты Парады бон Мæскуы саив кодтой бæрæгбоны иллюминацийæ. Изæры 11 сахатыл æхсæвыгон арвыл фенæн уыд 5 рухсгæнæн зиллакы. Уый хъуыды кæнгæйæ, хъæбатыры æмæ хæстон намысы номхæссæг горæттæ, стæй фæллойы кады горæттæ ногæй сæрттивдзысты, 77 азы размæ куыд уыди, афтæ. Дзæуджыхъæу патриотон акцийы бацархайдзæн дыккаг хатт. Афтæмæй абон, 24-æм июны изæры 8 сахатыл «Уæлахизы Тынтæ» уыцы-иу рæстæг ссуддзысты нæ уарзон горæты æртæ раны: Уæлахизы фæзы, Плиты Иссæйы цыртдзæвæны раз, стæй Дзæуджыхъæуы администрацийы цур. Штыбы фæзы ма арæзт æрцæудзæн тематикон концерт-реквием.