Баст у Беслæны терактимæ.
Абон Дзæуджыхъæуы байгом къамты равдыст «Зæрдыл дарын, цæмæй цæрай». Баст у Беслæны терактимæ.
Нырыккон аивады центры равдыстадон залы равæрдтой 2004-æм азы 1-æмæй 3-æм сентябрьмæ Беслæны скъолайы ист къамтæ. Равдысты сты къамисджытæ Сергей Узаков æмæ Саулаты Валерийы куыстытæ. Экспозицимæ бахастой сывæллæттæ теракты агъоммæ, стæй уый фæстæ цы нывтæ скодтой, уыдон. Равдысты рæстæг бакæсдзысты лекци. Радзурдзысты уыцы уæззау цауты тыххæй. Æрныхас кæндзысты абон терроризмы ныхмæ цы куыст цæуы, уый тыххæй дæр. Уый фæстæ равдысты экспозици æвдыст цæудзæн республикæйы районты, уый фæстæ та Уæрæсейы иннæ регионты: Мæскуы, Санкт-Петербург, Волгоград, Дагестан, Хъæрæсе-Черкесийы. Равдыст байгом уыдзæн абон 3 сахатыл æмæ куысдзæн 12-æм августмæ. Мадзал арæзт æрцыд, «Беслæны мадæлты» комитет цы президентон грант райста, уый фæрцы.
