Баст у Республикæ Цæгат Ирыстоны-Аланийы сæвзæрды æнусон юбилей бæрæг кæнынимæ. Мадзал райдайдзæн дусскусийæ «Нымæцы дуг. Мыхуыры чиныджы фидæн: цард æви рохуат?»
Абон Дзæуджыхъæуы байгом уыдзæн чынгуыты армукъа-фестиваль «100 азы: А-йæ Я-мæ». Баст у Республикæ Цæгат Ирыстоны-Аланийы сæвзæрды æнусон юбилей бæрæг кæнынимæ. Мадзал райдайдзæн дусскусийæ «Нымæцы дуг. Мыхуыры чиныджы фидæн: цард æви рохуат?». Архайдзысты дзы республикæйы сæргълæууæг Сергей Меняйло æмæ Уæрæсейы чиныгуадзджыты ассоциацийы президент Константин Чеченев. 3 боны дæргъы армукъа уыдзæн Коцойты Арсены уынджы фæзы. Уым равæрдзысты мингай чингуытæ алыхуызон тематикæмæ гæсгæ. Сæ стендтæн презентаци скæндзысты Цæгат Ирыстоны æмæ Цæгат Кавказы федералон зылды иннæ регионты рауагъдадтæ, стæй Хуссар Ирыстонæй æмæ Мæскуыйæ уазджытæ. Фестивалы программæйы – зындгонд литературон авторты дæсныйадæвдисæг ахуыртæ, аивадон æмæ анимацион кинонывты равдыст, музыкалон æмæ театралон номыртæ, поэтикон фембæлдтытæ, викторинæтæ. Мадзал аразы республикæйы мыхуыры æмæ дзыллон коммуникациты хъуыддæгты комитет Уæрæсейы культурæйы министрады æххуысæй.
