Сарæзта йæ кинокомпани «Эдельвейс»
Абон Дзæуджыхъæуы Кинойы хæдзары уыдзæн документалон киноныв «Отец Илий. Кавказский рубеж»-ы премьерæ. Сарæзта йæ кинокомпани «Эдельвейс». Сфæлдыстадон куыст дзурæг у оптинаг аргъуаны хистæр уырнæг, схиархимандрит Илийы цардвæндыджы тыххæй. Сценарийы автор æмæ режиссер Чъерджиаты Индирæйы ныхæстæм гæсгæ, киноныв истой Мæскуыйы (Переделкинойы), Орелы, Орловы областы æмæ Цæгат Ирыстоны сæйраг горæты. Киноныв сисыны хъуыды разынд продюсер æмæ режиссер Гулуты Вячеславмæ. Бакуыстой ма йыл оператор — Михаил Немысский æмæ монтажер Максим Самарин. Схиархимандрит Илий (Ноздрин) у зынгæ адæймаг Уæрæсейы чырыстон дины. Зæгъын хъæуы уый, æмæ 1942-æм азы Дзæуджыхъуы сæрвæлтау хæсты фæмард йæ фыд, æмæ ныгæд æрцыд Намысы Аллейæйы. Æвæццæгæн уымæ гæсгæ, дины кусæг фылдæр æргом здахы Ирыстонмæ. Фыд Илий рæстæгæй-рæстæгмæ вæййы Дзæуджыхъæуы. Республикæйы аргъуанты саразы аргъудтытæ. Ирыстоны цæрджытæ йын кад кæнынц æмæ йæм зæрдиагæй фенхъæлмæ кæсынц.
