телеканал «Россия»-йы æфсæддон уацхæссæг Александр Сладков. Раздæр уал бабæрæг кодта нæ телерадиокомпани «Алани»
Абон Дзæуджыхъæуы райдайдзæн 3-æм Æппæтадæмон медиафорум «PRO Кавказ». Уникалон фæз кæрæдзийы фæлтæрддзинадимæ æмæ зонындзинæдтимæ базонгæ уæвынæн. Архайдзысты дзы куыд журналисттæ æмæ блогертæ, стæй ма дзы уыдзысты зындгонд экспертты дæсныйадæвдисæг ахуыртæ дæр. Фыццаг уазджыты хсæн – телеканал «Россия»-йы æфсæддон уацхæссæг Александр Сладков. Раздæр уал бабæрæг кодта нæ телерадиокомпани «Алани». Директор Хъуысаты Тимуримæ дидинджытæ сæвæрдта «Уæлахизы Радио»-йы стелæйы раз. Федта ирыстойнаг радио, кино æмæ телеуынынады историимæ баст стендтæ, нымæцон комплекс, сæйраг кусæнгæрзтæ, ног телемæсыг. Александр Сладков уыдзæн программæ «СВОИ»-йы хъайтар. Уымæн æмæ куыста, хæсты цæхæр кæм фæзынд, ахæм бынæтты – Приднестровьейы, Таджикистаны, Афганистаны, Абхазы, Ираны, Иракы, Кавказы æмæ Балканты. Тæккæ райдианæй журналисты хæс æххæст кæны сæрмагонд æфсæддон операцийы зонæйы. Александр Сладков аныхас кодта нæ телерадиокомпанийы журналисттимæ. Радзырдта фронты уавæры тыххæй. Фæстæдæр фембæлд Цæгат Ирыстоны паддзахадон унивесритеты студенттимæ, стæй уæд республикæйы сæргълæууæг Сергей Меняйлоимæ.
