Мадзал аразынц номдзыд сценарист æмæ режиссеры юбилейы фæлтæгы.
Абон Дзæуджыхъæуы сæйраг библиотекæйы сараздзысты фембæлд зындгонд кинодраматург, нæ республикæйы культурæйы сгуыхт кусæг Джусойты Муратимæ.
Мадзал аразынц номдзыд сценарист æмæ режиссеры юбилейы фæлтæгы. Библиотекæйы кусджытæ бацæттæ кодтой чингуытæ æмæ къамты равдыст «Ирон кинематогрæфы хохаг» æмæ презентаци электрон хуызы. Джусойты Мурат у кинонывтæ Хохаг, Фарн æмæ æндæрты режиссер æмæ сценарист. Аивадиртасджытæ куыд зæгъынц, афтæмæй Мураты æрмдзæф у ирон таурæгътæ æмæ ныцион æууæлтимæ баст. Йæ кинонывтæм æнцон кæсæн нæу, уымæн æмæ домынц арф хъæуы кæнын. Режиссеры национ киноты мадæлон æвзагæй пайдагонд цæуы 100%. Уымæй уæлдай Джусойты Мураты кинотæ сты тынг аив ист. «Хохаг» æмæ «Фарн»-æн дыууæ Ирыстоны цæрджытæ дæр скодтой æгæрон аргъ. Премитæ райстой æппæтадæмон фестивальты. «Фарн»-ыл 20 азы куы рацыди, уæд та Мураты ног куст – «Рудник».Ацы кино сси æппæтадæмон фестивалы дипломант. Режиссер йæ юбилейыл сæмбæлд хъæздыг сфæлдыстадон бынтыимæ. Нæ республикæйы культурæ æмæ кинойы райрæзтмæ стыр æвæрæн кæй бахаста, уый тыххæй хорзæхджынгонд æрцыд майдан «Ирыстоны намысæй».
