Мадзалы рæстæг арæзт цæуынц интерактивон равдыстытæ, конференцитæ, æрыгон ахуыргæндты семинартæ, наукон-популярон лекцитæ, тымбыл стъолтæ, экскурситæ.
Абон Дзæуджыхъæуы Цæгат Ирыстоны Паддзахадон университеты бындурыл йæ куыст райдыдта наукæйы æппæтуæрæсеон фестиваль «Nauka 0+».
Мадзалы рæстæг арæзт цæуынц интерактивон равдыстытæ, конференцитæ, æрыгон ахуыргæндты семинартæ, наукон-популярон лекцитæ, тымбыл стъолтæ, экскурситæ, хъуыды кæнын кæм хъæуы, ахæм хъæзтытæ, дæсныйадæвдисæг ахуыртæ. Форумы архайынц наукон-иртасæн институттæ, стæй республикæйы уæлдæр æмæ астæуккаг ахуыргæнæндæтты студенттæ. Наукæйы æппæтуæрæсеон фестиваль Дзæуджыхъæуы наукон центры хъæппæрисæй фыццаг хатт арæзт уыд 2013-æм азы. Алы аз дæр фестивалы фысым свæййы республикæйы уæлдæр ахуыргæнæндæттæй иу. Фестивалæн æппæтуæрæсеон статус лæвæрд æрцыд 8 азы размæ, æмæ арæзт цæуы Уæрæсейы ахуырад æмæ наукæйы министрады хъæппæрисæй.
