Йæ фыццаг къæпхæн арæзт æрцыд республикæйы районты æмæ Дзæуджыхъæуы.
Ныр та хуыздæр ахуыргæнджытæ сæ дæсныйад æвдисдзысты Дзæуджыхъæуы 13-æм скъолайы. Бæрæгбон байгом арфæтæй æмæ концертæй.
Ныр та хуыздæр ахуыргæнджытæ сæ дæсныйад æвдисдзысты Дзæуджыхъæуы 13-æм скъолайы. Бæрæгбон байгом арфæтæй æмæ концертæй. Архайдтой дзы, ирон æвзаджы райрæзтмæ æвæрæн чи хæссы, уыцы зындгонд адæм. Байхъуыстой ахуыргæнджыты презентацимæ. Æртæ боны конкурсы архайджытæ дæтдзысты гом уроктæ. Майрæмбоны хъахъхъæндзысты сæ нывæцæнтæ ахæм темæйыл «Мæ педагогон кредо«. Уыдзæн тымбыл стъол. Уый фæстæ та сын жюрийы уæнгтæ хатдзæгтæ скæндзысты æркасты архайджыты куыстæн. Конкурс арæзт у республикæйы ахуырады æмæ наукæйы министрады хъæппæрисæй. Хуыздæртæ хорзæхгонд æрцæудзысты æхцайы премитæй æмæ кады гæххæттытæй. Ацы аз республикæйы хицауады хъæппæрисæй 3 милуанæй – 14 милуанмæ фæфылдæр сты Программæ «Ирон æвзаджы» финанстæ.
Санаты Ритæ, ахуырады æмæ наукæйы министрады национ хайады сæргълæууæг: «Фыццаг бынат чи бацахса, уымæн ратдзыстæм 15 мины, 2-аг бынат – 10 мины æмæ 3-аг бынатæн – 7мины. Уымæй уæлдай ис 4 номинации, уыдонæн призтæ уыдзæн – 2 мины. стæй æппæт архайджытæ дæр райсдзысты кады гæххæттытæ ахуырад æмæ наукæйы министрадæй».