Дзæуджыхъæуы цыртдзæвæн «Цæссыгты дур»-ы цур сарæзтой номарæн акци.
Абон ма, куыд æппæт Уæрæсейы, афтæ Ирыстоны дæр мысынц политикон репресситы амæттæтгты. Дзæуджыхъæуы цыртдзæвæн «Цæссыгты дур»-ы цур сарæзтой номарæн акци. Мадзалы уыд не сфæлдыстадон къорд дæр, ныхасы бар Сосранты Жаннæйæн.
Æрвылаз кæфты мæйы 30 –æм боны 12 сахатыл ардæм, репресситы амæттæгты номыл цыртдзæвæны цурмæ æрбамбырд вæййы бирæ адæм. Æрымысынц, æнахоссæй чи фесæфт , уыдоны рухс нæмттæ. Мадзалы архайдтой республикæйы хицауады минæвæрттæ, дины кусджытæ, ахуырдзаутæ æмæ студенттæ. Алчи дæр йæ раныхасы дзырдта, цæмæй уыцы уæззау рæстæджы цаутæй хызт куыд уæм, уый тыххæй.
Ивгъуыд æнусы 20-æй 50-æм азты Советон Цæдисы репресситы аххосæй хъыгдард баййæфтой 25 мин адæмаджы. Уыдонæй фехстой 1620-йы. Ассоциаци «Номаран» ахсджиаг куыст аразы репресситы чи бахауд, уыцы адæмимæ сæ хæстæджытимæ, цæмæй абон дæр сæ нæмттæ рох ма уой, уый тыххæй.
Ассоциаци «Номарæн»-æй уæлдай ма мадзал саразынмæ се вæрæн бахастой республикæйы хицауады цур политикон репресситы амæттæгты бартæ иртасæг къамис, горæты администраци, хæлардзинады хæдзар, нациты хсæн ахастдзинæдты фарстаты фæдыл министрад. Минут æдзæмй алæугйæ æппæт æрбацæуджытæ дæр ссардтой репресситы бахауджытæ нæмттæ. Сæ номыл цыртдзæвæныл та сæвæрдтой дидинджытæ.
