06 февраля 2013, 16:58
Абон Мызуры арæзтадон куыстыты рæстæг дзыхъхъы ныххауд уæзæгтæисæн кран
Æнæнхъæлæджы уавæрты министрады хъусынгæнинагмæ гæсгæ, ирвæзынгæнджытæ машинисты сластой кабинæйæ, хъыгдард дзы баййæфта, дзыхъхъы чи куыста
Æнæнхъæлæджы уавæрты министрады хъусынгæнинагмæ гæсгæ, ирвæзынгæнджытæ машинисты сластой кабинæйæ, хъыгдард дзы баййæфта, дзыхъхъы чи куыста, уыцы нæлгоймаг дæр. Дыууæйы дæр алыхуызон цæфтимæ аластой Нузалы рынчындонмæ. Дохтыртæ куыд зæгъынц, афтæмæй сæ уавæр у уæззау.
Арæзтадон фæзмæ нын не сфæлдыстадон къорды уæнгты нæ бауагъта æдасдзинады службæ. Кран æрхаудта уæз куы иста, уыцы рæстæг. Уæвгæ уæззау нæ уыд, 30 килограммы, фæлæ уæзæгтæисæны иу хай асаст æмæ фыдбылыз æрцыд афтæмæй. Ныртæккæ уавæр бæлвырд кæны сæрмагонд къамис. Рагагъоммæйы бæрæггæнæнтæм гæсгæ кран уыди зæронд, æмæ уый тыххæй йæ конструкцийы нæ бафæрæзта.
темæмæ гæсгæ
