Номдзыд поэт, драматург, рухстауæг, нывгæнæг стыр æвæрæн бахаста дунеон литературæмæ
Абон нæ республикæ бæрæг кæны Хетæгкаты Къостайы райгуырды сæдæ æхсай дыууæ азы бон.Номдзыд поэт, драматург, рухстауæг, нывгæнæг стыр æвæрæн бахаста дунеон литературæмæ. Йæ уацмыстæ нымад сты классикæйыл. Алы аз дæр Цæгат æмæ Хуссар Ирыстон Къостайы райгуырæн боныл сæмбæлы куыд национ бæрæгбоныл. Къостайы кадæн мадзæлттæ абон ацæудзысты æрмæст нæ республикæйы нæ, фæлæ дунейы алы рæтты. Ацы бонты нæ республикæйы скъолаты, культурæйы хæдзæртты æмæ библиотекæты цæуынц тематикон изæртæ, конкурстæ, равдыстытæ. Куыд æрвылаз, афтæ ацы хатт дæр мадзæлттæ райдайдзысты Ирон аргъуаны уæлмæрдæй. Республикæйы разамынд, интеллигенцийы минæвæрттæ, скъоладзаутæ æмæ поэты сфæлдыстад уарзджытæ дидинджытæ сæвæрдзысты йæ ингæнмæ.