13 декабря 2019, 17:05
Абон нæ республикæйы кад кодтой Цæгат Ирыстоны Фæллойы Хъæбатыры номы аккаг дыккаг адæймагæн
Уый у завод «Победит»-ы 6-æм разряды слесыр-цалцæггæнæг Николай Бедухо
Абон нæ республикæйы кад кодтой Цæгат Ирыстоны Фæллойы Хъæбатыры номы аккаг дыккаг адæймагæн. Уый у завод «Победит»-ы 6-æм разряды слесыр-цалцæггæнæг Николай Бедухо. Йæ царды 40 азы æнæвгъауæй балæвар кодта фæллойæн. 50 æрхъуыдыдзинадæй фылдæр фадат радтой заводы кусджыты архайд фæрогдæр кæнынæн. Уыдонæй 20 официалон æгъдауæй райстой патент. Фæллойы Хъæбатырæй дарддæр ма Николай Бедухо сси дæсныйады хуыздæры ном хæссыны аккаг дæр. Сæрбæрзондæй хæссы «Промышленносты сгуыхт кусæджы» ном, стæй хорзæхгонд æрцыд «Ирыстоны намысы» майданæй. Абон Тæбæхсæуты Балойы номыл Ирон академион театры Николай Бедухойæн раарфæ кодта Цæгат Ирыстоны сæргълæууæг Битарты Вячеслав.
