филиал вгтрк государственная телерадиовещательная компания “Алания”

Æрæмбырд сты пъæлицæйы минæвæрттæ, ветерантæ, йæ цардæй чи ахицæн, уыдоны хæстæджытæ. Мидхъуыддæгты министр Артур Ахметханов раарфæ кодта, адæмы сæрвæлтау йæ цард чи радта, уыдоны ныййарджытæн. Минут æдзæмæй куы алæууыдысты, уый фæстæ се `ппæт сæвæрдтой дидинджытæ номарæн цыртдзæвæныл. Пъæлицæйы кусджытæ та Намысы аллеяйы рацыдысты кадджын маршы.

Битарты Барис: «Нæ милицæйы кусджытæн мæ зæрдæ зæгъы æнæниздзинад, сабыр службæ. Сæ кæрæдзимæ зиантæм нæ, фæлæ циндзинæдтæм куыд цæуой, Хуыцау сын уыцы хорздзинад раттæд. Абон та мах æрæмбырд кодтой, сæ хъæбултæ кæмæн фæмардысты куысты, уыдонæн. Бузныг зæгъын, нæ министрæн, йæ хæдивæгæн. Рох нæ нæ кæнынц. Цæмæй сæ бон у, уымæй нæ æрхъуыды кæнынц æмæ нæ алы хатт барæвдауынц».