Премьерæйы агъоммæ киноисæн къорд фембæлд журналисттимæ
Абон прокаты рацæудзæн Галазты Асланы аивадон киноныв «Детство Чика». Премьерæйы агъоммæ киноисæн къорд фембæлд журналисттимæ. Абхазийы цæрæг 13-аздзыд лæппуйы истори дзурæг у ивгъуыд æнусы 40-æм азтыл. Сфæлдыстадон къорды уæнгтæ радзырдтой, съемкæтæ куыд цыдысты, уый. Кинолентæйы продюсер Теблойты Лейлæйы ныхæстæм гæсгæ, Фазиль Искандеры радзырдтæм гæсæг кино сисын сæ рагæй фæндыди. Фæлæ йæ царды рауадзын бантыст ныртæккæ. Режиссер у Галазты Аслан. Сæйраг рольты дзы хъазынц Давид Цулукия, Засеты Батраз, Милана Ломия, Хæтæгты Артур, Мæхъиты Сослан æмæ Николаус Мавроматидис. «Детство Чика» истой Сухумы 2019-æм азы. Киноныв систой Дзæуджыхъæуы эксперименталон киностудийы, Уæрæсейы культурæйы министрады æххуысæй. Ныридæгæн кинолентæ архайдта цалдæр фестивалы. Авторты хъуыдымæ гæсгæ кино цымыдисаг уыдзæн æнæхъæн бинонтæн, рæзгæ фæлтæрæн æмæ хистæр кары адæмæн.