Уыцы бон хуымæтæджы нæ равзæрстой. 1713-æм азы 25-æм июлы Петр Фыццæгæм сфидар кодта слестгæнæг къæнцылар
Абон сæ профессионалон бæрæгбон бæрæг кæнынц слестгæнæг оргæнты кусджытæ. Уыцы бон хуымæтæджы нæ равзæрстой. 1713-æм азы 25-æм июлы Петр Фыццæгæм сфидар кодта слестгæнæг къæнцылар. Æртæсæдæ азмæ къабазы нысантæ нæ аивтой, слестгæнджытæ раздæрау хъахъхъæнынц æхсæнадон фæтк æмæ барады бындуртæ. Сæ профессионалон миниуджыты æмæ дæсныдзинады фæрцы æнцонтæй лыг кæнынц сæ размæ æвæрд стыр, асджиаг æмæ вазыгджын нысантæ. Слестгæнæг управленийы кусджытæ се вæрæн хæссынц рæзгæ фæлтæры хъомыладмæ дæр. 2021-æм азæй фæстæмæ Цæгат Ирыстоны æххæст кæнынц регионалон проект кадетты къластæ. Æхсæрдæс къласæй цыппар сты Слестгæнæг комитеты кълæстæ. Ведомствæйы кусджытæ рæзгæ фæлтæры æмхиц кæнынц фидæны дæсныйадмæ, стæй сын архайынц сæ патриотон хъомылады.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)