Æрвылбон 19 сахатыл Уæрæсейы паддзахадон телерадиокомпанийы цæгаткавказаг филиал дзурдзæн регионы актуалон хабæртты тыххæй
Абон телеканал «Кавказ 24»-ы эфирмæ рацæудзæн программæ «Вести. Северный Кавказ»-ы фыццаг рауагъд. Æрвылбон 19 сахатыл Уæрæсейы паддзахадон телерадиокомпанийы цæгаткавказаг филиал дзурдзæн регионы актуалон хабæртты тыххæй. Программæйы фыццаг эфирты уыдзысты Приэльбрусьейы къахдзоныгътыл бырыны 50-йæм сезоны, Дагестаны скъоладзауты ласæн автобусты, Мæхъæлы фæкæсынхъуаг адæмæн æххуысы, Цæгат Ирыстоны менталон арифметикæйæ æвзонг генитæ æмæ Цæцæны республикæйы туристон къабазы рæзты æрмæджытæ. Уæ зæрдыл уын æй лæууын кæнæм, «Кавказ 24» официалон æгъдауæй байгом кодтой Махачкалайы, 5-æм декабры, Цæгат Кавказы медиафембæлдтыты фæлгæты. Каналæн ис универсалон лицензи, фенæн ис интернеты тыгъдады, æмæ йыл кусынц ПТРК-Аланийы журналисттæ дæр.
