филиал вгтрк государственная телерадиовещательная компания “Алания”

Йæ кадæн республикæйы арæзт цæуынц алыхуызон мадзæлттæ. Райдыдтой акцийæ «Сыгъдæг гуырæнтæ». Сапицкая будка кæй хонынц, уый территори æфснайынмæ рацыдысты фæсивæды хъуыддæгты, физкультурæ æмæ спорты министрады кусджытæ æмæ республикæйы уæлдæр ахуыргæнæндæтты студенттæ – фæсивæдон форумтæ «Селигер» æмæ «Машук»-ы архайджытæ. Цыбыр рæстæгмæ чызджытæ æмæ лæппутæ сæмбырд кодтой 10-гай голджытæ бырæттæ. Акцийы нысан у – æхсæнады æргом экологон фарстатæм раздахын.

Хуыгаты Аллæ, хæххон паддзахадон аграрон университеты студенткæ: «Ацы акцийы архайын æз 3-æм аз. Мæнмæ гæсгæ тынг хъæугæ акции у. æрдз æфснайынмæ æрбацыдыстæм. Фæнды мæ зæгъын адæмæн, цæмæй куы баулæфой, уæд сæ фæстæ æфснайгæ дæр кæной. Тынг аив нæу, афтæ сæ фæстæ куы ныууадзынц. Мæнмæ гæсгæ ацы акци æрмæст æфснайыны тыххæй нæу. Фæсивæдимæ хъæлдзæг арвитæм нæ рæстæг, алы ахуыргæнæндæттæй стæм, æмæ хъæлдзæг арвитæм нæ рæстæг».