Форумы программæмæ гæсгæ, Цæгат Ирыстоны Сæргълæууæг Сергей Меняйло Санкт-Петербурджы фембæлд Акционерон æхсæнад «Аэрофлот – Российские авиалинии»-йы генералон директор
Абон у Петербурджы æппæтадæмон экономикон форумы кæронбæттæн бон. Форумы программæмæ гæсгæ, Цæгат Ирыстоны Сæргълæууæг Сергей Меняйло Санкт-Петербурджы фембæлд Акционерон æхсæнад «Аэрофлот – Российские авиалинии»-йы генералон директор, разамынды сæрдар Сергей Александровимæ. Æрныхас кодтой фидæны æмгуыстадыл. Бæстон æрлæууыдысты, Уæрæсейы регионтæй Цæгат Ирыстонмæ маршруттыл бакусыныл. Аэрофлот – хуымæтæг аивакомпани нæу, фæлæ, зæгъæн ис, æмæ Уæрæсейы символтæй иу. Цы регионтимæ æмгуыстад кæны, уыдон æвдисæг сты сæ инвестицион хъомысæн. Уымæ гæсгæ Цæгат Ирыстонæн ахсджиаг у, цæмæй компани рейсытæ кæна Дзæуджыхъæуы аэропортмæ дæр. Уый тыххæй та арæзт æрцыдысты бæлвырд мадзæлттæ, – загъта Сергей Меняйло. Уæ зæрдыл уын æрлæууын кæндзыстæм, Цæгат Ирыстоны делегаци, йæ сæргъы республикæйы разамонæг Сергей Меняйлоимæ архайы Петербурджы æппæтадæмон эконмикон форумы. Петербурджы форум у экономикæйы æмæ бизнесы къабазы егъаудæр цау. Арæзт фæцæуы 1997-æм азæй фæстæмæ. Уал азмæ форум сси дунейы ахсджиагдæр фæз. Бакусынц дзы нæ бæстæйы экономикон фарстатыл, æмæ дунейы базарадыл, æмтгæй райсгæйæ.
