Уый кадæн Евгений Вахтанговы номыл Академион Уырыссаг театры арæзт æрцыд кадджын мадзал
Абон у славайнаг фыссынады æмæ культурæйы бон. Уый кадæн Евгений Вахтанговы номыл Академион Уырыссаг театры арæзт æрцыд кадджын мадзал. Ацы бон традицимæ гæсгæ алы аз дæр æппæт славайнаг бæстæты æрымысынц алфавит саразджыты – стыр рухстауджытæ Кирилл æмæ Мефодийы. Æфсымæртæ сарæзтой рагон славайнаг дамгъуат. Фыццæгтæ ратæлмац кодтой хуыцаумæ кувæн чингуытæ æмæ Евангелие славайнаг æвзагмæ. Кирилл æмæ Мефодий систы удварны æмæ ныфсхасты символ. Бæрæгбоны уазджытæн бацæттæ кодтой хъæздыг æмæ цымыдисаг программæ. Изæр саив кодтой кафты ансамбльтæ, вокалон номыртæ æмæ театралон постановкæтæ. Уазджыты хсæн уыдысты культурæйы архайджытæ, республикæйы хицауады кусджытæ æмæ сфæлдыстадон интеллигенцийы минæвæрттæ. Бæрæгбоны фæдыл арфæтæ ракодта Цæгат Ирыстоны Сæргълæууæг Сергей Меняйло.
