21-æм ноябрь хуымæтæджы нæ равзæрстой, уыцы бон 1996-æм азы Иугонд Нациты организаци сарæзта фыццаг дунеон телеуынынадон форум
Абон у телеуынынады Æппæтдунеон бон. 21-æм ноябрь хуымæтæджы нæ равзæрстой. Уыцы бон 1996-æм азы Иугонд Нациты организаци сарæзта фыццаг дунеон телеуынынадон форум. Йæ секретарь куыд фæбæрæг кодта, афтæмæй телеуынынадæн ис стыр ахадындзинад æгас дунейы сабырдзинад тауыны хъуыддаджы. Цæгат Ирыстоны кусынц цалдæр телекомпанийы. Уыдонæй алкæмæн дæр ис йæхи аудитори. Фæлæ статиститкæ куыд амоны, афтæмæй телеуынынадмæ кæсджытæ арæхдæр равзарынц паддзахадон телерадиокомпани «Алани» æмæ национ телеуынынад «Осетия-Ирыстон». Нæ республикæйы фыццаг телецентр арæзт æрцыд 1957-æм азы. Бакуыстой йыл хæдахуыр энтузиасттæ. Дæсгай азты фæстæ паддзахадон радио æмæ телеуынынады комитет сси паддзахадон телерадиокомпани «Алани». Абон нæ комапни аразы радиобакастытæ æмæ телеравдыстытæ, интернет-проекттæ æмæ афтæ дарддæр. Нырыккон телеуынынад баиу кодта æцæг профессионалты. Уыдон зæрдæйæ уарзынц сæ равзæрст дæсныйад.
