Нæ республикæйы сæйраг закъон сфидар кодта Цæгат Ирыстоны сæйраг совет 26 азы размæ
Абон у Цæгат Ирыстоны Конституцийы бон. Нæ республикæйы сæйраг закъон сфидар кодта Цæгат Ирыстоны сæйраг совет 26 азы размæ. Уæд Цæгат Ирыстон банымадтой Уæрæсейы Федерацийы субъектыл. Документы фыст ис Цæгат Ирыстоны территориалон бынат. Нæ республикæйы цæрджытæн Конституцийы боны фæдыл арфæ ракодта Битарты Вячеслав. Республикæйы разамонæг куыд бафиппайдта, афтæмæй уыцы цау ссис Цæгат Ирыстоны нырыккон историйы ахадгæдæртæй иу. Конституци сбæлвырд кодта нæ регионы æхсæнадон-политикон фæндаг æмæ сфидар кодта нæ республикæйы цæрджыты бартæ æмæ гарантитæ. «Уырны мæ, нæ республикæйы Конституцийыл æнцойгæнгæйæ, йæ нормæтæ æххæсткæнгæйæ Цæгат Ирыстоны бирæнацион дзыллæйы бон суыдзæнис дарддæр аразын нæ рухс æмæ бæллиццаг фидæн» – уыдис загъд арфæйы гæххæтты.
