27 августа 2014, 16:38
Абон у Уæрæсейы кинойы бон. Бæрæг æй кæнынц Цæгат Ирыстоны дæр
Ныртæккæ нæ республикæйы исын райдыдтой аивадон киноныв «Тэли æмæ Толи». Лирикон комедиийы ныхас цæуы дыууæ хъæуы цардыл: ирон æмæ гуырдзиаг.
Ныртæккæ нæ республикæйы исын райдыдтой аивадон киноныв «Тэли æмæ Толи».
Лирикон комедиийы ныхас цæуы дыууæ хъæуы цардыл: ирон æмæ гуырдзиаг. Ныр дихгонд æрцыдысты арæнæй. Фæлæ уæддæр йæ цæрджытæм ис бирæ иумæйаг хъуыддæгтæ. Ацы кинонывы ис уарзондзинады æмæ хæлардзинады истори. Сценарийы автортæ сты Гутнаты Владимир æмæ Ольгæ Погодина-Кузмина. Æххуыс сын кæны Дзиуаты Анатолий. Йæхæдæг дæр хъазы ацы кинойы. Режиссер та у Александр Амиров. У йæ фыццаг стыр куыст. Проект æххæст кæны продюсерон центр «Хорошо Продакшн» Уæрæсейы культурæйы Министрады æмæ Цæгат Ирыстоны кинематографистты цæдисы æххуысæй. Аивадон кинонывы хъазынц куыд мæскуыйаг, афтæ бынæттон артисттæ дæр. Се хсæн сты не мзæххон Фидараты Сослан, Догун Омаев, Кахи Кавсадзе, Владислав Демин, Риналь Мухаметов, Хъыбызты Хъазыбег. Фыццаг хатт сæ тыхтæ бафæлвардзысты æрыгон артисттæ Нуца Хабулава æмæ Ник Шолия. Се ппæт дæр куыд зæгъынц, афтæмæй сценарий сæ зæрдæмæ тынг фæцыд.
Фидараты Сослан, Цæгат Ирыстоны æмæ Хуссар Ирыстоны сгуыхт артист: «Сценарий куы бакастæн, уæд мæ зæрдæмæ тынг фæцыд. Афтæ мæм кæсы æмæ хорз кино рауайдзæн, мæнæ советон рæстæджы цавæртæ истой, ахæм. Зæгъæм «Сюрприз» куыд уыди. Уарзут ирон кино!»
темæмæ гæсгæ
