Уый фæрцы бæрæггонд цæудзæн, адæмæн æвæстиаты хъусынгæнинæгты системæ куыд кусы, уый
Абон Уæрæсейы арæзт æрцæудзæн сæрмагонд тренировкæ. Уый фæрцы бæрæггонд цæудзæн, адæмæн æвæстиаты хъусынгæнинæгты системæ куыд кусы, уый. Бæрæггæнæн сигналты трансляци цæудзæн теле æмæ радиоэфирты. Уымæ гæсгæ абон, 2-æм октябры, 10 сахаты æмæ 43 минутыл телевизион æмæ радиопрограммæтæ трансляцитæ æрлæудзысты 5 минутмæ. Уыцы мгъуыдмæ бæрæггонд цæудзæн, Граждайнаг хъахъхъæнынады æмæ æнæнхъæлæджы уавæрты фæдыл хъусынгæнинæгты сигналтæ эфирмæ куыд хæццæ кæнынц, уый.
Ацы егъау мадзæлтты фæрцы 10 сахаты æмæ 35 минутыл скусын кæндзысты нæ республикæйы сиренæтæ æмæ хъæрæйдзурæнтæ. Раздæр уал сиренæтæ. 3 минуты фæстæ та уыдзæн хъæрæйдзурæнты рад. Æвæстиаты хъусынгæнæн системæйы тренировкæ фæуыдзæн 10 сахаты æмæ 50 минутыл.
