Снысан æй кодтой Муромаг сыгъдæг къниазтæ Петр æмæ Февронийы кадæн
Абон Уæрæсейы бæрæг кæнынц Бинонты, Уарзондзинады æмæ иузæрдиондзинады бон. Снысан æй кодтой Муромаг сыгъдæг къниазтæ Петр æмæ Февронийы кадæн. Уыдонæн сæ цардвæндаг у уарзондзинад æмæ иузæрдиондзинады дæнцæг. Дыууæ азы размæ президент Владимир Путин сæрмагонд указæй Бинонты Уарзондзинады æмæ иузæрдиондзинады бон сфидар кодта паддзахадон æмвæзадыл. Нæ республикæйы цæрджытæн бæрæгбоны фæдыл арфæ ракодта Сергей Менгяйло. Куыд фæбæрæг кодта, афтæмæй æнгом æмæ хæлар бинонтæ кæдфæндыдæр уыдысты паддзахады фидар цæджындз. Уымæн æвдисæн у уый дæр, æмæ ацы аз, президент Владимир Путины уынаффæмæ гæсгæ, расидтысты бинонты афæдзæй. Сергей Меняйло куыд загъта, афтæмæй ныртæккæ аразынц æппæт уавæртæ, цæмæй рæза демографи æмæ фидардæр кæна бинонты институт. Уадз уæ хæдзæртты æрцæрой фарн, уарзондзинад æмæ амонд — уыдис загъд арфæйы телы.
