Республикæйы мидхъуыддæгты оргæнты кусджытæн арфæ ракодта Цæгат Ирыстоны сæргълæууæг Битарты Вячеслав
Абон Уæрæсейы бæрæг кæнынц мидхъуыддæгты оргæнты кусæджы бон. 2011 азмæ бæрæгбон уыдис милицæйы бон. Кæд ын йæ ном аивтой, уæддæр бæрæгбоны мидис нæ аивта. Мидхъуыддæгты министрады кусджытæ сæ профессионалон боныл сæмбæлынц гæрзифтонгæй, адæмы цард æмæ æдасдзинад хъахъхъæнгæйæ. Республикæйы мидхъуыддæгты оргæнты кусджытæн арфæ ракодта Цæгат Ирыстоны сæргълæууæг Битарты Вячеслав. Куыд бафиппайдта, афтæмæй абон не ппæтæн дæр ис фадат, бузныг зæгъынæн нæ æдасдзинады сæраппонд æхсæвæй бонæй чи лæууы, уыцы офицертæн æмæ къабазы иннæ кусджытæн. «Стыр аргъ кæнæм уæ профессионалон зонындзинæдтæн, сæрæндзинад, лæгдзинад æмæ намысæн. Уыцы миниуджытæй æххæст сты, мидхъуыддæгты оргæнтимæ йæ цард чи сбæтты, уыцы адæм. Уæ куыстæй уæ зæрдæ райæд, нæ республикæйы та сымах фæрцы æрбынат кæнæд сабырдзинад! – загъта Битарты Вячеслав.
