филиал вгтрк государственная телерадиовещательная компания “Алания”

Абон Уæрæсейы бæрæг кæнынц мыхуыры бон. 13-æм январы 1703-æм азы рухс федта фыццаг уырыссаг газет. Нымад у, уæрæсейаг журналистикæйæн бындур цы бон сæвæрдтой, ууыл. Уæдæй абонмæ газеттæ æмæ журналтæ адæмы зонгæ кæнынц  – фæстаг хабæрттимæ æмæ аивадон уацмыстимæ. Абон республикæйы мыхуыры номхыгъды ис 60 иуæджы. Се ‘хсæн – газеттæ, журналтæ æмæ æмбырдгæндтæ. Архайынц нырыккон домæнтæн дзуапп дæттыныл. Мыхуыры хъуыддæгтæ æмæ дзыллон коммуникациты комитеты æппæт рауагъдтæн дæр сарæзтой сайттæ. Газетты æмæ журналты æрмæджытæ ссарæн ис электрон хуызы. Уыимæ ма, редакцитæ сифтонг кодтой кусæнгæрзтæй, цæмæй дзы уой видеостудитæ дæр.