Номарæн бон баст у 2004-æм азы сентябры трагикон цаутимæ. Уæд Беслæны 1-æм скъолайы теракты фæмард 334 адæймаджы, уыдонæй 186 уыдысты сывæллæттæ.
Абон Уæрæсейы у терроризмы ныхмæ тох кæныны бон.
Номарæн бон баст у 2004-æм азы сентябры трагикон цаутимæ. Уæд Беслæны 1-æм скъолайы теракты фæмард 334 адæймаджы, уыдонæй 186 уыдысты сывæллæттæ. Беслæйнаг цаутæ сæнкъуысон кодтой æппæт дуне дæр. Трагеди ферох гæнæн нæй. Рохгæнæн нæй, йæ цард чи радта, уыдоны дæр. Беслæны цаутæ сты нæ иумæйаг рыст, куыд Уæрæсейы, афтæ бирæ æндæр паддзахадты дæр. Уымæн æмæ уæд терроризм ирдæй равдыста йæ æгъатыр цæсгом. 3-æм сентябры не ппæт дæр мысæм Буденновскы, Буйнакскы, Дзæуджыхъæуы, Волгограды, Волгодонскы, Махачкалайы, Мæскуыйы, Первомайсæкийы, Санкт-Петербурджы æмæ нæ бæстæйы æндæр горæтты трагикон цауты амæттæгты.
Абоны сæйраг нысан у – æхсæнады ргом раздахын терроризмы ныхмæ тох кæнынмæ. Уый фæдыл абон республикæйы скъолаты арæзт æрцыдысты сабырдзинады уроктæ. Кæцыдæр ахуыргæнæндæтты райдыдтой саударæн линейкæтæй. Хистæркъласонтæн равдыстой тематикон кинонвытæ. Кæстæр кълæсты ахуырдзаутæ та сæ хъуыдытæ раргом кодтой ахорæнты фæрцы.
