филиал вгтрк государственная телерадиовещательная компания “Алания”

Æрдзырдтой законы проектыл, цæмæй республикæйы конд æрцæуа территориалон рæзты зонæ. Уый фадат ратдзæн инженерон, транспортон, энергетикон æмæ инновацион инфраструктурæйы ног объекттæ саразынæн. Ахæм мадзæлттæ та хъуамæ фæахъаз уой республикæйы социалон-экономикон рæзтæн. Хицауады уæнгтæ ма æркастысты закъоны проектмæ, кæцы хъуамæ фæфылдæр кæна инвалидтæн куыст ссарыны гæнæнтæ. Ныронг закъон куыд амыдта, афтæмæй инвалидтæн куысты бынæттæ хъуамæ скодтаиккой, 100 адæймагæй фылдæр кæм кусы, ахæм куыстуæтты. Ныр та 35-æй 100-йы онг кæм кусы, уыдоны куысты бынæттæн сæ 3% хъуамæ уой инвалидтæн. Закъоны проект хаст æрцыд Парламентмæ. Ивддзинæдтæ бахастой «Æнæниздзинад хъахъхъæнынады рæзты программæмæ». Уыдонмæ гæсгæ уæлæмхасæн фæрæзтæ нысангонд æрцыдысты онкологон рынчынты дзæбæх кæнынæн. Хицауады уынаффæйæ сæрмагонд автотранспорт лæвæрд æрцыд инвалидтæн лæггад кæнынæн.