филиал вгтрк государственная телерадиовещательная компания “Алания”

Абон уыд Парламенты Советы радон æмбырд. Амыдта йæ Алексей Мачнев. Боны фæткмæ рахастой 30 фарстайы. Каст цыд республикон закъоны проектмæ, уый бар ратдзæн муниципалон хицаудзинадæн цæстдарæг-нымайæг органтæ скæнынæн. Цæрæнуæтты-коммуналон хæдзарады къабазы фиддонтæ сбиноныг кæнынæн Цæрæнуæтты кодексмæ хъуамæ хаст æрцæуой ивддзинæдтæ. Уыдоны фæнысан кодтой æфхæрæн мадзæлттæ, лæггæдтæн афоныл чи нæ фиды, уыцы фæлхасгæнджытæн, стæй лæггæдтæ домæнтæм гæсгæ чи нæ кæны, уыцы куыстуæттæн. Æрдзырдтой ма закъоны проектыл, цæмæй, культурон бынтæм чи хауы, уыцы объекттыл бар ма уа рекламæ ауындзынæн. Растыл нымад æрцыд федералон закъоны проект, Уæрæсейы горæттæн «Фæллойадон намысы горæты» ном дæттынæн. Уый баст у Фыдыбæстæйы Стыр хæсты цаутимæ. Ома, ахæм ном лæвæрд цæудзæн, йæ куыстуæттæ Уæлахизмæ зынгæ æвæрæн кæмæн бахастой, уыцы горæттæн Президенты уынаффæйæ. Æркастысты æндæр фарстатæм дæр.