Фембæлд арæзт æрцыд Æппæуæрæсейон æхсæнадон организаци «Иугонд Уæрæсейы фæсивæдон гварди»- йы Цæгат Ирыстойнаг регионалон хайады хæппæрисæй. Сыхаг республикæйы
Фембæлд
арæзт æрцыд Æппæуæрæсейон æхсæнадон организаци «Иугонд Уæрæсейы
фæсивæдон гварди»-йы Цæгат Ирыстойнаг регионалон хайады хæппæрисæй.
Сыхаг республикæйы минæвæрттæ нæ делегацийыл сæмбæлдысты кафт тæмæ
зардимæ, сæ размæ сын рахастой национ хæринæгтæ. Ацы фембæлд сси акци
«Мах стæм иумæ»-йы фыццаг къæпхæн
Къораты Жаннæ, РЦИ-Аланийы
фæсивæдон парламенты уæнг: «Кæсæг Балхъары фæсивæд ныл тынг зæрдиагæй
бацин кодтой. Сæ аивадæй нын равдыстой куыд куырыхон, куыд хорз фæсивæд
сты. Ахæм фембæлдтæ арæхдæр куы уаиккой, уæд ноджы хуыздæр уаит алы
адæмы хаттæн дæр. Уæд Кавказ ноджы рæсугъддæр æмæ куырыхондæр уаит
æнæхъæн Уæрæсейы. Кæрæдзийæн аргъ куы кæнæм, уæд нæ Уæрæсе дæр уыдзæн
Фидæар æмæ тыхджын».
Адæмты иудзинады бон сбæрæг кодтой спорты
галуан «Манеж»-ы. Адæмæн раарфæ кодтой спорты ветерантæ, политиктæ æмæ
æхсæнадон архайджытæ. Фæнысан кодтой, абон ацы бæрæгбонæн цы стыр
ахадындзинад ис, уый. Мадзалы кæронбæттæн та уыд концерт. Архайдтой дзы
Ирыстоны зындгонд артисттæ.
Хъайтыхъты Сослан, Æрыдоны спортивон
скъолайы директор: «Мæнæ ныр цы иугонд бæрæгбон ис, уымæй нæ фæсивæд, нæ
адæм кæд кæрæдзиуыл фæхæциккой æмæ фæныфсджындæр уаит не `гъдау æмæ не
`взаг, нæ ирон æвзаг».
