10 марта 2026, 10:34
Адæмон фронт æмæ Ирыстойнаг зылды социалон лæггæдты комплексон центр бæрæгбоны арфæтæ ракодтой сылгоймæгтæн
Мадзал арæзт æрцыди сывæллæтты сфæлдыстады центр «Заря»-йы
Сылгоймæгты æппæтадæмон боны агъоммæ Адæмон фронт æмæ Ирыстойнаг зылды социалон лæггæдты комплексон центр бæрæгбоны арфæтæ ракодтой сылгоймæгтæн. Мадзал арæзт æрцыди сывæллæтты сфæлдыстады центр «Заря»-йы. Сæрмагонд æфсæддон операцийы архайджыты бинойнæгтæн, бирæсывæллонджын ныййарджытæн, алы къабæзты республикæйы рæзтмæ æвæрæн чи бахаста, уыдонæн бацæттæ кодтой концерт. Адæмон фронты регионалон штабы æмсæрдар Дзгойты Дмитрийы æххуысæй 30 сылгоймаджы хорзæхгонд æрцыдысты зæрдылдарæн лæвæрттæй. Фембæлд саразджытæ куыд загътой, афтæмæй кæдфæндыдæр сылгоймæгтыл уыди стыр бæрнондзинад æвæрд, уæлдайдæр та ныртæккæйы рæстæг.
темæмæ гæсгæ
