филиал вгтрк государственная телерадиовещательная компания “Алания”

05:22 пятница, 09 декабря 2022
28 сентября 2022, 11:31
Адæмон фронт байгом кодта мобилизацийы домæнтæ æххæстгæнгæйæ сæ бартæ хæлд кæмæн æрцыдысты, ахæм адæмæн æххуыс кæныны центр

Адæмон фронт байгом кодта мобилизацийы домæнтæ æххæстгæнгæйæ сæ бартæ хæлд кæмæн æрцыдысты, ахæм адæмæн æххуыс кæныны центр. Иу бонмæ дзы исынц 30 дзæнгæрæджы. Кæнынц сын консультативон æххуыс. Æмбарын сын кæнынц, хайон мобилизацимæ чи хауы, уый. Уымæй уæлдай, æвзарынц сæрмагонд цаутæ, зæгъæм, повесткæ рæдыдæй кæмæ барвыстой, ахæмтæ. Кæд нæлгоймаг исты аххосаджы тыххæй мобилизацийы домæнтæм нæ хауа, уæд ын йæ бартæ хъахъхъæндзысты активисттæ. Сæ цæст дарынц, мобилизацигонд фæсивæд кæм æмбырд кæнынц, æмæ сæ кæцæй æрвитынц, уымæ дæр. Æппæт фарстаты фæдыл бадзурæн ис цыбыр номермæ — 122.

Бæстæйы Сæргълæууæг йæ раныхасы загъта, хайон мобилизацимæ чи хауы, уый. Уый, запасы æфсæддонтæ, æфсæддон тыхты чи службæ кодта, æфсæддон дæсныйад кæмæ ис, æмæ сæ кармæ гæсгæ баслужбæ кæнын йæ бон кæмæн у, ахæм адæм. Юристтæ зæгъынц, уæрæсейæгтæн сæ бон у повесткæйы тыххæй бахъаст кæнын, кæд æмæ сæм æй рæдыдæй æрбалæвæрдтой, æрмæстдæр уæд. Ам сæйрагдæр у афоныл æфсæддон комиссариатмæ бацæуын, æмæ сæм повесткæ рæдыдæй кæй æрбарвыстой, уымæн æвдисæндæр бавдисын. Уымæй уæлдай, æххуысагур бацæуæн ис адæймаджы бартæ хъахъхъæныны æххæстбарджын минæварадмæ.