20 июня 2025, 10:34
Адæмон фронты æппæтуæрæсеон акци дарддæр æххæстгонд цæуы Цæгат Ирыстоны
Йæ фæрцы фæкæсынхъуаг æмæ бирæсывæллонджын бинонтæ лæварæн райсынц род
Зæрдæйæ – зæрдæмæ. Адæмон фронты æппæтуæрæсеон акци дарддæр æххæстгонд цæуы Цæгат Ирыстоны. Йæ фæрцы фæкæсынхъуаг æмæ бирæсывæллонджын бинонтæ лæварæн райсынц род. 3 азы дæргъы йæ нæ вæййы уæй кæнын кæнæ æндæр искæмæн лæвар кæнын. Фидæны та хъуг цы фыццаг род радта, уый балæвар кæнын хъæудзæн, ахæм уавæры чи ис, æндæр уыцы бинонтæн. Афтæ ног æххуысгæнæджы райстой Акъиты бинонтæ Алагирæй. Роды схуыдтой Матюша. Акъитæн æй радтой Хæмыцатæ. Бинонтæ цæрынц Сечеры. Уыдон дæр проектмæ гæсгæ æхсызгон лæвар райстой 2 азы размæ.
