Ацы хатт сбæрæг кодтой сортивон фæзты уавæр
Адæмон фронты активистæ радон рейды рацыдысты Дзæуджыхъæуы æхсæнадон зонæтæм. Ацы хатт сбæрæг кодтой сортивон фæзты уавæр. Бирæтæ дзы ныппырх сты. Фæлæ ис ахæм зонæтæ, адæм сыл кæй нæ ауæрдынц, уый аххосæй заууатмæ чи рцыди. Æхсæнадон зонæты бырæттæ æмбырд кæнын адæммæ диссаг нал кæсы. Уый нæ, фæлæ дзы кусæнгæрзтæ дæр сты тæссаг. Адæмон фронты активисттæ сбæрæг кодтой, спортивон фæзтæй цалдæр горæты администрацийы бындурон цалцæджы пъланмæ хаст кæй æрцыдысты, уый. Фæлæ тæрсынц, цалынмæ дзы куыстытæ райдайой, уæдмæ исты фыдбылыз куы расайа, уымæй. Касаты Наирæ радзурдзæн бæлвырддæр.
Адæймагæн тæссаг чи у, ахæм быру, чи сызмæлд, ахæм футболон хызы цæджындз – уыцы уавæры адæмон фронты активисттæ федтой Черняховскийы уынджы спортивон фæз. Бынæттон цæрджытæ бирæ хатт бахастой сæ хъаст, фæлæ хъуыддаг нæ аивта. Æппæтуæрæсеон адæмон фронты фæсивæдон къорды уæнгтæ базыдтой, спортивон фæз горæты администрацийы бындурон цалцæджы пъланмæ хаст кæй æрцыди, уый. Активистты хъуыдымæ гæсгæ, куыстыты райдианмæ æнхъæлмæ кæсын уыди тынг тæссаг. Уымæ гæсгæ, сæхи хъарутæй базылдысты тæссаг уаццагмæ, сфидар кодтой быру æмæ цæджындзтæ.
Къостайы проспекты футболон-баскетболон фæз заууатмæ рагæй æрцыди. Цæрджыты курдиæтты фæстæ «Спецэкосервис»-ы специалисттæ бацыдысты бынат сбæрæг кæнынмæ, æмæ снысан кодтой, цалцæггæнæн куыстытæ æвæстиатæй райдайын. Фыццаджыдæр дзы раластой бырон.
Сывæллæтты фæзты хайады бæрны ныртæккæ ис 224 æхсæнадон зонæйы. Фыццаджыдæр се ргом здахынц тæссаг чи у, ахæм аварион зæнæтæм. Кусынц цæрджыты курдиæттæм кæм кæсынц, уыцы хайады специалисттæ.
Доваторы проспекты 9-æм хæдзары территорийы сывæллæттæн ис 2 фæзы. Уым сæ рæстæг фервитынц куыд бынтон гыццылтæ, афтæ стырдæр сабитæ дæр. Ис дзы спортивон быдыр дæр. Æвæрд æрцыдысты бынæттон депутаты æххуысæй,цæрджытæ та сын дзуапп дæттынц сæ уавæрæн. Сæхæдæг сæ сахорынц, бафснайынц спортивон фæзты алыварс.
Спортивон фæзтæ ныппырх вæййынц æрмæст рæстæджы цыдимæ нæ, фæлæ сыл адæм кæй нæ ауæрдынц, уый тыххæй дæр. Ацы æхсæнадон зонæйы бырон æмбырд кæнын адæммæ диссаг нал кæсы. Уыцы рæстæг та, специалисттæ зæрдыл лæууын кæнынц, æхсæнадон зонæты уавæр нæ алкæмæй дæр аразгæ кæй у, уый.
