Иуæй-иутæ нæ уыдысты æххæст хостæй, иннæтæ арæх вæййынц æхгæ
Адæмон фронты минæвæрттæ сбæлвырд кодтой, Æрæфы æмæ Дыгуры районты амбулаториты цы афтектæ ис, уыдоны куыст. Иуæй-иутæ нæ уыдысты æххæст хостæй, иннæтæ арæх вæййынц æхгæд. Ис, дæнцæгæн æрхæссинаг чи у, ахæм кусæнуаттæ дæр. Мониторингы хатдзæгты тыххæй бæлвырддæр радзурдзæн Хъайтмазты Дзерассæ.
Николаевскæйы станицæйы амбулаторийы афтек кусы мæй. Фæлæ хостæй æххæст нæма у. Медикаменттæ кæм дарой, ахæм бынат дзы нæй. Ис дзы æрмæст 2 скъаппы æмæ чысыл уазалгæнæн. Уымæ гæсгæ хостæй дæр ис, фыццаджыдæр, чи хъæуы, уыдон. Уыимæ адæм агурынц фылдæр препараттæ.
Сындзыхъæуы ис 2 афтечы. Адæмон фронты минæвæрттæ сæм куы æрбацыдысты, уæд дыууæ дæр уыдысты æхгæд.
Цы хостæ дзы ис, уый фенын бантыст æрмæст рудзынгæй.
Стыр-Дыгуры медицинон пункт хицæн кæны. Хъозиты Ларисæ ардæм кусынмæ æрбацыд Лескенæй. Сразы ис цæрыны уавæртимæ – пункты рад хæссы æхсæвæй-бонæй. Бирæ азты фæллой кодта республикон клиникон рынчындоны, уыд тагъдæххуысы кусæг. Стыр фæлтæрддзинад æм ис. Ацы пункт лæггад кæны 5 хъæуы цæрджытæн. Ам арæх вæййынц туристтæ дæр. Ларисæйы архайдæй се *ппæт разы сты.
Фельдшер радзырдта, хостæ рагагъоммæ фыст номхыгъдмæ гæсгæ кæй сзаказ кæнынц. Æппæт хъæугæ медикаменттæ дæр ам ис.
Адæмон фронты активисттæ дарддæр бæлвырд кæндзысты афтекты куыст, стæй хостæй куыд æххæст сты, уый. Æхсæнадон архайджыты хъуыдымæ гæсгæ, медицинон кусæнуаттæ хъуамæ тагъддæр æххæст кæной хъæугæ препараттæй.
Стыр-Дыгуры пункты фельдшермæ ис æрмæст иу курдиат, цæмæй бацæуæн саив кæной, сæвæрой асфальт, бордюртæ æмæ шлагбаум. Уæд кусæнуат дзуапп дæтдзæн æппæт домæнтæн.
