Æххæстгонд æрцыдысты муниципалон программæмæ гæсгæ
Адæмон фронты минæвæрттæ сбæлвырд кодтой, Дзæуджыхъæуы бирæфатерон хæдзæртты кæртыты цы аивгæнæн куыстытæ конд æрцыд, уыдоны хæрзхъæддзинад. Æххæстгонд æрцыдысты муниципалон программæмæ гæсгæ. Æмтгæй райсгæйæ, æхсæнадон организацийы уæнгтæ цы федтой, уымæй баззадысты разыйæ баззадысты. Фæлæ фиппаинæгтæ дæр уыдис. Хъайтмазты Дзерассæйæн ныхасы бар.
Алыккаты Полинæ Къостайы проспекты 281-æм хæдзары, 3-аг корпусы цæры 50 азы бæрц. Адæмон фронты минæвæрттæн куыд радзырдта, афтæмæй сæ кæрт ахæм аив никуы уыд. Ног бандæттæ, рухсытæ, ног æвæрд асфальт. Хæстæгдæр рæстæг ма сын сæвæрдзысты урнæтæ. Подрядон организацийы ма зæрдæ бавæрдтой, кæй бацархайдзысты, цæмæй къæвдадон кæрты ма æмбырд кæна, ууыл дæр.
Леоновы уынджы 9-æм хæдзары, 3-æм корпусы кæрты куыстытæ куыд æххæстгонд æрцыдысты, уымæ адæмон фронты минæвæрттæ иу фау дæр нæ бахастой. Сметæмæ гæсгæ цыдæриддæр нысангонд уыд, уый конд æрцыд.
Базонæн нал ис Бутаты Хъазыбеджы номыл уынджы æртæ корпусы кæртытæ дæр. Куыстытæ ам нырма кæронмæ нæ фесты, фæлæ уæддæр цы уыдис, уыимæ абаргæйæ зынгæ фæаивдæр. Хæстæгдæр рæстæг ма сæвæрдзысты бандæттæ, рухсытæ æмæ урнæтæ. Æппæт объектты дæр куыстытæ æххæстгонд æрцыдысты муниципалон программæ «Дзæуджыхъæуы аивдзинад æмæ цъæхфæлыст»-мæ гæсгæ.
Мониторингы рæстæг цы фиппаинæгтæ рабæрæг, уыдон æрвыст æрцæудзысты Дзæуджыхъæуы администрацимæ. Адæмон фронты минæвæрттæ ацы куыст дарддæр æххæст кæндзысты. Муниципалон программæмæ гæсгæ цы кæртытæ аивгонд æрцыдысты, уыдон се *ппæт дæр сбæлвырд кæндзысты.
