Цæгат Ирыстоны сбæрæг кодтой лыггæнинаг фарстатæ
Адæмон фронты минæвæрттæ скодтой бæстон æрфарст Уæрæсейы медицинон æххуысы хæрзхъæддзинады тыххæй. Мониторинг кодтой нæ бæстæйы æппæт регионты. Афтæ Цæгат Ирыстоны сбæрæг кодтой лыггæнинаг фарстатæ. Баст уыдысты лæвар медицинон препараттæй ифтонг кæнынимæ. Фæлæ фæстаг бонты уавæр ивын райдыдта хуыздæрырдæм. Æрфарсты фæстæ æхсæнадон кусджытæ бацыдысты Дзæуджыхъæуы сывæллæтты поликлиникæтæм. Семæ уыд нæ уацхæссæг Томайты Батраз, æмæ йын ныхасы бар.
Дзæуджыхъæуы сывæллæтты фыццæгæм поликлиникæйы рабæрæг кодтой фæндзай дыууæ æвæрццæг ПЦР-тесты. Дохтыртæ зæгъынц, фылдæр рынчын кæнынц æнахъом сывæллæттæ. Æмæ цæмæй сабийы сдзæбæх кæнай, уый тыххæй пациенттæн лæвар дæттынц æппæт æмбæлгæ хостæ. Скълады ис алцыдæр, райдай вирусы ныхмæ препараттæй – æмæ буары тæвд æппарæн хостæй фæуы.
Горæты дыккæгæм поликлиникæйы та раиртæстой фæндзай æхсæз рынчын сывæллоны. Ам дæр хостæй цух не ййафынц.
Ахæм мониторинг арæзт æрцыд Адæмон фронты æрфарсты фæстæ. Медицинон лæггæдтæ куыд æххæстгонд цæуынц, уый бæрæг кодтой нæ бæстæйы æппæт регионты. Афтæ Цæгат Ирыстоны сбæрæг кодтой лыггæнинаг фарстатæ. Баст уыдысты лæвар медицинон препараттæй ифтонг кæнынимæ. Фæлæ фæстаг бонты уавæр ивын райдыдта хуыздæрырдæм.
Хостæ æппын къаддæр фаг уыдзысты къуырийы кæронмæ, зæгъынц æхсæнадон кусджытæ. Уыимæ ахæм бæрæггæнæн куыст кæндзысты дарддæр дæр. Уымæн æмæ сæйрагдæр у медицинон лæггæдты хæрзхъæддзинадмæ цæст дарын.
