филиал вгтрк государственная телерадиовещательная компания “Алания”

Адæмон кафты ансамбль «Æрфæн» архайы культурæйы æппæтадæмон фестивалы. Ацы бонты цæуы Алжиры. Сæдæгай къордтæ дунейы алы бæстæтæй æрæмбырд сты горæт Сиди-Бель-Аббесы. Ирд костюмтæ, адæмон музыкалон инструменттæ, фысымтæ та бацæттæ кодтой нырыккондæр сценикон технологитæ. Залы адæмæй къух бакæнæн нæй. Ирон кафджыты алы номырыл дæр аивадуарзджытæ сæмбæлдысты къухæмдзæгъдимæ. Ансамбль «Æрфæн»-ы разамонæг Мурасты Зæринæйы ныхæстæм гæсгæ, дзыллон хореографион постановкæты архайынц сфæлдыстадон къорды солисттæ æмæ хуыздæр артисттæ. Фестивалы программæйы – дæсныйадæвдисæг ахуыртæ, сфæлдыстадон фембæлдтытæ æмæ дискуссион фæзтæ эксперттæн.