Ерыс цыд Налцыччы бæстæйы тыхджындæр кафджыты къордты *хсæн
Адæмон кафты дæнцæгæн хæссинаг ансамбль «Фидæн» сси Уæрæсейы адæмты кафты национ чемпионаты уæлахиздзау. Ерыс цыд Налцыччы бæстæйы тыхджындæр кафджыты къордты *хсæн. Симд, ерысы, хохаг æмæ чызджыты кафт. Жюрийы уæнгтæ стыр аргъ скодтой цæгатирыстойнаг ансамблы 8 хореографон композицийæн. Бæлвырддæр хабæрттæ радзурдзæн Чехойты Фатимæ.
Адæмон кафты ансамбль «Фидæн»-ы солисткæ Дыраты Дзерассæ 13 азы размæ байгом кодта йæхицæн аивады дуне. Йæ мад æй къордмæ куы*рбахуыдта, уæд йæ зæрдæмæ тынг фæцыд. Бирæ азты дæргъы чызг фæлтæрдта кафты техникæ базонын. Иу æмæ дыууæ хатты не *вдыста йæ арæхстдзинад алыхуызон фæзты, уыимæ федералон æмвæзады дæр. Æнтыстджын рауад ансамблы архайд Уæрæсейы адæмты кафты национ чемпионаты, Налцыччы – сси уæлахиздзау. Дзерассæ куыд зæгъы, уымæ гæсгæ архайджытæ уыдысты хорз цæттæгонд, рамбулын цæгатирыстойнаг кафджытæн уымæн уыд уæлдай æхсызгон.
Чемпионаты архайдтой ансамбль «Фидæн»-ы 2 къорды кафджыты кармæ гæсгæ. 100 адæймаджы бацæттæ кодтой 8 композицийы, уыдонимæ чызджыты кафт, хохаг, «Симд», ерысы кафт. Кæстæр къорды хореограф Табуты Альмирæ куыд фæнысан кодта, уымæ гæсгæ мæй раздæр райдыдтой чемпионатмæ цæттæ кæнын. Цæмæй рæсугъд кафт равдисой, уый тыххæй репетицитæ цыдысты алы бон дæр. Сывæллæтты куыстуарзондзинады руаджы ансамбль рамбылдта 8 фыццаг бынаты æмæ сси ерысы чемпион.
Адæмон кафты ансамбль «Фидæн» радон хатт равдыста стыр цæттæдзинад æмæ æгæрон уарзондзинад Цæгат Ирыстоны культурон хæзнатæм. Æмæ кæд æрыгон кафджытæ æрæджы ссыдысты чемпионатæй, уæддæр сын фæлладуадзынæн рæстæг нæй. Сæхи цæттæ кæнынц ног ерыстæм, цæмæй фидæны сæ дæсныйад æнтыстджынæй æвдисой ног фæзты.
