Мадзал арæзт æрцыд Национ наукон библиотекæйы. Алы адæмы хæттыты сывæллæттæ бацæттæ кодтой равдыстытæ æмæ аив бакастысты сæ мадæлон æвзагыл æмдзæвгæтæ
Адæмты иудзинады Бон нæ республикæйы Сæргълæууæг Сергей Меняйло фембæлд патриотон клуб «Фыдыбæстæ»-йы архайджытимæ. Мадзал арæзт æрцыд Национ наукон библиотекæйы. Алы адæмы хæттыты сывæллæттæ бацæттæ кодтой равдыстытæ æмæ аив бакастысты сæ мадæлон æвзагыл æмдзæвгæтæ. Фембæлды архайдтой ахуырады æмæ наукæйы министр Алыбекты Эллæ, национ политикæйы æмæ æддагон бастдзинæдты министр Бæгъиаты Алан, культурæйы министр Гуыдиаты Батраз, патритон клуб «Фыдыбæстæ»-йы разамонæг Хъарданты Тимур, Дзæуджыхъæуккаг æмæ Алайнаг епархийы, стæй Цæгат Ирыстоны пысылмон дины управленийы минæвæрттæ. Сывæллæттæн радзырдтой ацы бæрæгбоны ахадындзинады тыххæй, стæй куыд ахсджиаг у истори хъахъхъæнын, уый тыххæй дæр. Сергей Меняйло ма бузныджы ныхæстæ загъта сабиты ныййарджытæн, патриотон хъомыладмæ стыр æргом кæй здахынц, уый тыххæй.
