Ацы бынаты æрæджы райдыдта кусын æмæ йын уый фæдыл Битарты Вячеслав раарфæ кодта.
Адæмы электрон тыхæй æфсадыны фарстатыл æрдзырдтой республикæйы сæргълæууæг Битарты Вячеслав æмæ «Россети Северный Кавказ»-ы филиалы директоры хæстæ æххæстгæнæг Таболты Алыксандр.
Ацы бынаты æрæджы райдыдта кусын æмæ йын уый фæдыл Битарты Вячеслав раарфæ кодта.
Загъта, Цæгат Ирыстоны разамынд æмæ «Россети Северный Кавказ»-ы хæс у æмгуыстад кæнын, цæмæй нæ республикæ æнæ къуылымпытæй ифтонг уа электрон тыхæй æмæ дарддæр дæр куыст цæуа инвестицион райрæзтыл.
Таболты Алыксандр республикæйы разамынды æууæнкдзинады тыххæй загъта бузныг æмæ радзырдта сæ размæ цы ног хæстæ лæууы уыдоны тыххæй.
Фембæлды рæстæг ма æрдзырдтой, иумæ цы фарстатыл бакусын хъæуы, уыдоныл. Уыдон та сты куыстуаты материалон-техникон лæмæгъ бындур – кусæнгæрзтæ зæронд, стæй электрон тыхы лæггæдтæн фæлхасгæнджыты чысыл фиддонтæ.
Битарты Вячеслав зæрдæ бавæрдта республикæйы хицауад кæй æххуыс кæндзæн ахсджиаг нысантæ сæххæст кæнынæн.
