Ацы хатт дæр скодтой радон бæрæггæнæн куыст
Адæмы кæлæддзаг хæдзæрттæй ногтæм раивыны федералон программæ куыд æххæстгонд цæуы, уымæ сæ цæст дарынц Æппæтуæрæсеон адæмон фронты активисттæ. Ацы хатт дæр скодтой радон бæрæггæнæн куыст. Федтой ног арæзт хæдзæрттæ, æмæ дзы чи рцарди, уыдоны уавæртæ. Специалистты хъуыдымæ гæсгæ, арæх фарстатæ сæвзæрынц рæстæгимæ. Цавæр хатдзæгтæ скодтой сæ кусæг балцæн, уый тыххæй радзурдзæн Фидараты Маринæ.
Флюза Ешпахтина ацы хæдзары æрбынæттон афæдзы рдæджы размæ. Бирæ рæстæг царди кæлæддзаг æмдзæрæны. Йæ уаты уыди æрмæстдæр 18 квадратон метры. Ныр та йæ уавæр хуыздæрырдæм аивта. Æмæ йæ цæрæнбынат раивта ногарæзт хæдзары фатерæй. Йæхи цæлгæнæн, хуыссæн уат, æдæппæтæй 36 квадратон метры.
Беслæны Фриаты уынджы хæдзар эксплуатацийы радтой ацы азы райдиан. 4 бацæуæны, 5 уæладзыджы. Фыццæгæмы ис алыхуызон коммерцион куыстуæттæ. Адæмæн фатертæ радтой «кæлæддзаг цæрæнуæттæй ногтæм раивыны» программæмæ гæсгæ. Мæлдзыгаты Эльбрус ам æрцарди февралы. куыд зæгъы, афтæмæй фатертæм фиппаинæгтæ рхæссæн ис, фæлæ æнцон аиуварсгæнæн сты. Сæйраг фарста у – территорийы аивдзинадыл бакусын.
Æппæтуæрæсеон адæмон фронты активисттæ бæстон кæсынц, программæ царды куыд уадзынц, уымæ. Бæрæг кæнынц, адæм афæдзы рдæгæй фылдæр кæм цæрынц, ахæм хæдзæрттæ. Специалисттæ зæгъынц, арæх фарстатæ сæвзæрынц фæстæдæр. Уымæ гæсгæ аразджыты компанийæн аиппытæ аиуварс кæнын ис гарантион æмгъуыды онг. Зæгъæм, ацы хæдзары бакусын хъæуы цалдæр хъуыддагыл.
Адæмы кæлæддзаг хæдзæрттæй ногтæм раивыны программæ царды уадзынц, национ проект «Горæты æнцонвадат архайд æмæ цæрæнуæттæ» æххæст кæнгæйæ. Ныхас цæуы, 2017-æм азы онг кæлæддзагыл нымад чи рцыд, уыцы хæдзæрттыл. Программæ арæзт у 6 азмæ. Уыцы мгъуыдмæ хъуамæ фатертæ радтой 419 бинонтæн. Уый та у 20 мин квадратон метры онг. Æдæппæтæй дзы архайынц республикæйы 4 муницпалон сконды. Адæмон фронты активисттæ бæрæг кæнынц, ныртæккæ арæзт чи цæуы, ахæм объекттæ дæр.
Хъæбæлоты Билары уынджы хæдзары куыстытæ бацыдысты сæ тæмæны. Ацы фондзуæладзыгон хæдзары ис 45 фатеры. Объекты ныридæгæн стыр куыст бакодтой, æмæ йæ эксплуатацийы раттынмæ нысан кæнынц ацы азы кæрон.
Хæдарцаты уынджы хæдзар дæр кæронмæ арæзт æрцыд, фæлæ дзы адæм нæма æрцардысты. Ардæм кæлæддзаг цæрæнуæттæй рацæудзысты 7 бинонтæ. Ацы аз та хаст æрцыд уынаффæ, хæдзар бындуронæй аразын райдайын нæ, фæлæ фатертæ арæзтадон компанийæ æлхæныны тыххæй. Уый зынгæ фæрæвдздæр кæндзæн ацы куыст.
Нырма уал адæмы кæлæддзаг хæдзæрттæй ногтæм раивыны программæ нæ бæстæйы æххæстгонд æрцыд 46% онг, зæгъынц Æппæтуæрæсеон адæмон фронты эксперттæ. Цæгат Ирыстон та хаст æрцыд 6 хуыздæр регионы хыгъдмæ. Афтæмæй федералон центры нæ республикæйæн скодтой бæрзонд аргъ. Адæмон фронты активисттæ дарддæр дæр кæндзысты бæрæггæнæн куыст, æмæ сæ цæст дардзысты, программæ куы æххæстгонд цæуы, уымæ.
